კვების ინდუსტრიის 2022 წლის ანგარიში
როგორ განვალაგოთ საკვები სწორად მაცივარში?
ოქტომბერი 26, 2022
HACCP-ის სისტემის დანერგვა სავლდებულო ხდება
იანვარი 30, 2023
ჩვენმა მკითხველმა კარგად იცის თუ რას ნიშნავს ჯაჭვური რეაქცია. კვების ბიზნესისა და უვნებლობის სექტორის გარდა ჯაჭვური რეაქცია გვხვდება ყოველ ფეხის ნაბიჯზე. მსოფლიოს მასშტაბით უფრო მსხვილ დონეზე ჯაჭვური რეაქციის განმარტება ასეთია: თუ არ არსებობს დიდი რაოდენობით პროდუქტი, ვერ მოხდება ობიექტების მომარაგება, შედეგად ჩერდება რეალიზაცია, რაც თავის მხრივ იწვევს ეკონომიკურ დისბალანსს და საბოლოოდ კრისიზს და პროდუქციის დეფიციტს.
კვების ინდუსტრიის 2022 წლის შეჯამებაში, რომესაც Food safety alliance-ის დღევანდელ ბლოგში განვიხილავთ გამოკვეთილია რამდენიმე მთავარი და გარდამტეხი ცვლილება, რომელიც სურსათის უვნებლობის სექტორზე წლის მანძილზე აისახა.
ჩრდილოეთ ამერიკის სურსათის უვნებლობის რეგულაციების თვალსაზრისით, 2022 წლის მანძილზე კვების სექტორში პირველ რიგში გამოიკვეთა კრონობაქტერის აფეთქება.
რა არის კრონობაქტერის აფეთქება?
კრონობაქტერის აფეთქება
2021-2022 წლებში აშშ -ში კრონობაქტერის გავრცელებამ გამოიწვია 4 ჰოსპიტალიზაცია და 2 სიკვდილი. ეს არის ინფექცია, რომელიც დაფიქსირდა ჩვილი ბავშვის საკვებში. როგორც დადგინდა ინფექციის გამომწვევი მიზეზი პროდუქტის წარმოების პროცესის მიუღებელი კონტროლი და არასანიტარული პირობები იყო. დაწესებულების ქარხნის დახურვამ გამოიწვია ბავშვთა საკვების დეფიციტი აშშ-ში. საპასუხოდ, FDA-მ (ამერიკის სურსათისა და მედიკამენტების ადმინისტრაციამ, გამოაქვეყნა სტრატეგია, რათა თავიდან აიცილოს მომავალი კრონობაქტერიის დაავადებები. სტრატეგიის მიზანია:
- კრონობაქტერიოზის, მისი გავრცელებისა და პრევენსიის გზების შესახებ საზოგადოებაში ცნობიერების ამაღლება და აუდიტორიის მაქსიმალური ინფორმირება.
- ისეთი სათუთი პროდუქტების, როგორიცაა ჩვილ ბავშვთა კვება და დანამატები – წარმოების თვალსაზრისით ჰიგიენურ-სანიტარული ნორმების მკაცრი დაცვა.
- კომუნიკაციის გაძლიერება და ჩართულობა ინდუსტრიასთან, მომხმარებლებთან, ფედერალურ, შტატთან, ადგილობრივ და საზოგადოებრივი ჯანდაცვის სხვა პარტნიორებთან ჩვილ ბავშვთა ფორმულის უსაფრთხოების შესახებ.
სალმონელას გაზრდილი რისკი
სურსათის უვნებლობის სექტორში ერთ-ერთ ყველაზე გავრცელებულ საფრთხეს სწორედ სალმონელოა და მასთან დაკავშირებული რისკები წარმოადგენს. პრობლემა გლობალურია და მთელი მსოფლიოს მასშტაბით მისი დაფიქსირების მაჩვენებელმა მაღალ ნიშნულს მიაღწია. 2022 წლის 1 აგვისტოს USDA-FSIS-მა აღნიშნა რომ სალმონელა ყველაზე ხშირად ფიქსირდება ფალსიფიცირებული პურის, უმი ქათმისა და კვერცხის უჯრედებში. პროდუქტის ეს კატეგორიები ჩვეულებრივ გვხვდება საცალო მაღაზიებში საყინულე განყოფილებაში. მარეგულირებელი განცხადება მნიშვნელოვანია, რადგან CDC-ის (Centers for Disease Control and Prevention) თანახმად, სალმონელას ინფექციების 23%-ზე მეტი მიეკუთვნება დაბინძურებული ფრინველის მოხმარებას. უფრო მეტიც, 1998 წლიდან ასეთი ნედლეული პროდუქტები ასოცირდება 14-მდე ეპიდემიასთან და დაახლოებით 200 დაავადებასთან.
სერტიფიცირება და ვალიდურობა
პანდემიამ ნათლად დაგვანახა, რომ სერტიფიცირება, სანდოობა და უვნებლობა კვებითი რგოლის კვლავ უცვლელი პრიორიტეტია. HACCP-ი, როგორც ერთგვარი დოკუმენტი, რომელიც მომხმარებელს არწმუნებს ობიექტის სანდოობაში, პროფესიონალიზმსა და რაც მთავარია უვნებლობაში.
სურსათის მიკვლევადობის განახლებული წესი
2022 წლის 15 ნოემბერს FDA-მ გამოაქვეყნა სურსათის მიკვლევადობის საბოლოო წესი გარკვეული მაღალი რისკის მქონე საკვების დამატებითი მიკვლევადობის ჩანაწერების მოთხოვნების შესახებ.
საბოლოო წესი არის FDA-ის სურსათის უვნებლობის გეგმის ძირითადი კომპონენტი და ახორციელებს FSMA-ს 204(დ) პუნქტს, რომლის თანახმადაც უნდა მოხდეს ბაზრიდან პოტენციურად დაბინძურებული საკვების უფრო სწრაფად იდენტიფიკაცია და სწრაფად ამოღება, რაც გამოიწვევს საკვებით გამოწვეული დაავადებების რიცხვის შემცირებას.
გამკაცრებული ნორმები და HACCP-ის დანერგვა საქართველოში
მიუხედავად იმისა, რომ სანიტარულ ჰიგიენური ნორმების გამკაცრება ფაქტობრივ 2023 წლის ერთ-ერთი მთავარი ცვლილებაა, მისი დღის წესრიგში მოყვანა 2022 წლიდან დაიწყო. სურსათის ეროვნული სააგენტოს მიერ ხორციელდებოდა შეხვედრები და ინფორმაციის გაცნობა ბიზნესოფერატორებთან.
სურსათის მწარმოებელ ყველა ბიზნესოპერატორს ეკისრება ვალდებულება, საფრთხის ანალიზისა და კრიტიკული საკონტროლო წერტილების სისტემა (HACCP) 2023 წლის 1 ივნისამდე დანერგოს.
ახალი რეგულაცია გავრცელდება შემდეგ ბიზნესოპერატორებზე:
- სასურსათო მაღაზია, მარკეტი;
- თაფლის რეალიზაცია;
- ნახევარფაბრიკატების რეალიზაცია;
- ბავშვთა კვების წარმოება, რეალიზაცია;
- რძითა და რძის პროდუქტებით ვაჭრობა;
- ხილ-ბოსტნეულის რეალიზაცია;
- აგრარული ბაზარი;
- დახლზე ვაჭრობა;
- ხორცის რეალიზაცია;
- ბადაგისა და ჩურჩხელის წარმოება;
- კვების პროდუქტების შენახვა, შეფუთვა, დაფასოება და სხვა.
კვების სექტორისა და სურსათის უვნებლობის ჯაჭვური პროცესები აისახება თითოეული მომხმარებლის ყოველდღიურობაზე, კვების ზოგად სტანდარტებსა და ქვეყანაში მიმდინარე ეკონომიკურ ფონზე. Food safety alliance-ის ბლოგში წარმოგიდგინეთ მსოფლიოს მასშტაბით 2022 წლის ყველაზე ყურადსაღები და მნიშვნელოვანი მოვლენები, რომელიც კევბის ინდუსტრიაში გამოიკვეთა.
თუ რა გველის და რა ცვლილებებს უნდა ველოდოთ 2023 წლიდან, როგორ განაგრძობენ ბიზნესოპერასტორები საქმიანობას, ვის შეეხება და რა რეგულაციები დაწესდება საქართველოს კვების ბაზარზე ამაზე მომდევნო ბლოგში ვისაუბრებთ.
მომზადებულია წყაროზე დაყრდნობით:
https://www.vikan.com/us/services/vikan-blog/making-way-for-2023-food-safety-and-sanitation-ends-with-a-strong-note-in-2022
ასევე ნახეთ
მიიღე ყოველკვირეული სიახლეები და ინფორმაცია სურსათის უვნებლობასთან დაკავშირებით