რა არის ხარისხის მართვის სისტემა? (QMS)

დღევანდელ მსოფლიოში, არც ერთი პროდუქტი ან მომსახურება ხანგრძლივად ვერ გაჩერდება ბაზარზე ხარისხის გარეშე. მიუხედავად იმისა, თქვენ აწარმოებთ საკვებს, წამალს, ელექტრონიკას, ან უზრუნველყოფთ ციფრული მომსახურებას, ერთი ცუდი გამოცდილება შეიძლება დაგიჯდეთ მომხმარებლის დაკარგვად — ან  თქვენი რეპუტაციის შელახვად. ამის თავიდან ასარიდებლად არსებობს ხარისხის მართვის სისტემა (QMS) და ძლიერი ხარისხის კონტროლის (QC) სტანდარტები.

თუ დაინტერესებულხართ ოდესმე, რატომ ზოგიერთი კომპანია თანმიმდევრულად აწვდის თავის მომხმარებელს შესანიშნავ პროდუქციას, ხოლო სხვები ებრძვიან, საჩივრებს ან მომხმარებელთა უკმაყოფილებას, პასუხი ხშირად მდგომარეობს იმაში, თუ რამდენად სერიოზულად უყურებენ ისინი ხარისხს.

დღეს Food Safety Alliance მოგიყვებათ თუ რას ნიშნავს ეს სისტემები, რატომ აქვთ მნიშვნელობა და როგორ შეუძლიათ შეცვალონ თამაშის წესები ნებისმიერი ბიზნესისთვის.

რა არის ხარისხის მართვის სისტემა (QMS)?

ხარისხის მართვის სისტემა არ არის მხოლოდ რამოდენიმე დოკუმენტი ან სერტიფიკატი კედელზე. ეს არის სტრუქტურირებული სისტემა, რომელიც ასახავს, თუ როგორ მართავს თქვენი ორგანიზაცია ხარისხს ყველა პროცესში, დეპარტამენტში და პროდუქტში.

ყველაზე ცნობილი QMS სტანდარტია ISO 9001, რომელიც ეხმარება კომპანიებს განახორციელონ თანმიმდევრული პროცედურები, შეამცირონ შეცდომები და დააკმაყოფილონ მომხმარებელთა და მარეგულირებელი ორგანოების მოლოდინები. მაგრამ ბევრ ინდუსტრიას აქვს საკუთარი სექტორის სპეციფიკური ვერსიები-როგორიცაა, ISO 13485 სამედიცინო მოწყობილობებისთვის, FSSC 22000 სურსათის უვნებლობისთვის და სხვა.

QMS 9001 ჩვეულებრივ მოიცავს:

• დოკუმენტირებული ინსტრუქციები და პროცედურები
• განსაზღვრული როლები და პასუხისმგებლობები
• რისკის შეფასებები და პრევენციული ქმედებები
• უწყვეტი გაუმჯობესების პრაქტიკა
• შიდა და გარე აუდიტი
• მომხმარებელთა უკუკავშირი

ეს არ ეხება ბიუროკრატიას-ეს არის სისტემის შექმნა, რომელიც ეხმარება თქვენს გუნდს თავიდანვე სწორად გააკეთოს საქმე.

ხარისხის კონტროლი (QC)

მიუხედავად იმისა, რომ QMS არის დიდი სურათის მართვის სისტემა, ხარისხის კონტროლი არის პრაქტიკული, ყოველდღიური მუშაობა, რომელიც უზრუნველყოფს თითოეული პროდუქტის ან მომსახურების შესაბამისობას თქვენს ხარისხის სტანდარტებთან.

ხარისხის კონტროლი მოიცავს ტესტირებას, შემოწმებას და ვერიფიკაციას, შეესაბამება თუ არა თქვენი საბოლოო პროდუქტი ან სერვისი მოთხოვნებს, სანამ ის მიაღწევს თქვენს მომხმარებლამდე.

ზოგიერთი QC საქმიანობა მოიცავს:

• შემომავალი მასალის ინსპექტირება
• პროცესის შემოწმება
• საბოლოო პროდუქტის ტესტირება
• სტატისტიკური შერჩევა და მონაცემთა ანალიზი
• დეფექტების ან გადახრების მონიტორინგი

ხარისხის სისტემის აუცილებლობა

1. მომხმარებელთა ნდობა და ერთგულება
ხალხს სურს საიმედოობა. თუ თქვენი ბრენდი უზრუნველყოფს თანმიმდევრულ ხარისხს, ხალხს ახსოვს-და ისინი ბრუნდებიან. მაგრამ თუ არსებობს კონტროლის ნაკლებობა, ერთმა დეფექტმა შეიძლება გამოიწვიოს მომხმარებლის უკმაყოფილება და დააზიანოს თქვენი ბრენდის რეპუტაცია, ამას შეიძლება მოყვეს ფინანსური ზარალი, ან თუნდაც უსაფრთხოების რისკები.

2. რისკის შემცირება
შეცდომები ხდება-მაგრამ სისტემის გარეშე, თქვენ შეცდომას ვერ დაიჭერთ დროზე ადრე. QMS ეხმარებარისკების იდენტიფიცირებას, სანამ ისინი შექმნიან პრობლემებს თქვენი მომხმარებლებისთვის და ბიზნესისთვის.

3. შესაბამისობა და სერტიფიცირება
მიუხედავად იმისა, ყიდით თქვენს პროდუქტს ან მომსახურებას ადგილობრივ თუ საერთაშორისო ბაზრებზე , ბევრი ინდუსტრია მოითხოვს იმის მტკიცებულებას, რომ აკმაყოფილებთ ხარისხის სტანდარტებს. სერთიფიკატები, როგორიცაა ISO 9001, HACCP, ან GMP არ არის მხოლოდ ფორმალობა — ისინი ხშირად აუცილებელია იურიდიული ან ბიზნეს თვალსაზრისით.

4. ოპერაციული ეფექტურობა
კარგად დანერგილი და მხარდაჭერილი ხარისხის სისტემები-QMS აუმჯობესებს ოპერაციებს. ქაოსის ნაცვლად, თქვენმა გუნდმა იცის პროცესი, მოლოდინი, და როგორ უნდა გადაწყვიტოს საკითხები ან პრობლემები სწრაფად. ეს ხელს უწყობს პროდუქტიულობას, ამცირებს ხარჯებს და ნარჩენებს.

5. უწყვეტი გაუმჯობესება
ორივე QMS და QC აგებულია იმ იდეის გარშემო, რომ ყოველთვის არის ადგილი უკეთესობისკენ. მიუხედავად იმისა თუ სისტემა მუშაობს, ყოველდღიურად ხდება რისკებზე დაფუძნებული აზროვნების და სტანდარტების მეშვეობით სისტემის გაუმჯობესება.

რეალური სამყაროს მაგალითი: ორი საცხობის ზღაპარი

წარმოიდგინეთ ორი თონე.

საცხობი A ქმნის საოცარ ნამცხვრებს-მაგრამ თითოეული პარტია ცოტა განსხვავებულია. ზოგი ძალიან მშრალი, ზოგი ძალიან ტკბილი. მათ არ აქვთ დოკუმენტირებული რეცეპტები, და ყველა თანამშრომელი მუშაობს ისე როგორც იცის.

საცხობი B ასევე ქმნის კარგ ნამცხვრებს-მაგრამ მათ სტანდარტიზებული აქვთ რეცეპტები, აქვთ გავლილი HACCP-ის ტრენინგი თანამშრომლებს და რეგულარულად ამოწმებენ ინგრედიენტებს და ტემპერატურას. ისინი აგროვებენ მომხმარებელთა უკუკავშირს და ცვლიან თავიანთ მეთოდებს თანმიმდევრული მეტრიკის საფუძველზე.

გამოიცანით რომელი ღებულობს უფრო ხშირად განმეორებით მომხმარებელს? რომელი იღებს კონტრაქტს სასურსათო ქსელთან? რომელს არ აქვს პროდუქტის გამოწვევა სურსათის უვნებლობის სტანდარტების დარღვევის გამო?

ამ ყველაფრის გარანტი არის ხარისხის მართვის სისტემები და ხარისხის კონტროლი.

შეჯამება

ყველაზე წარმატებული კომპანიები ვერ ხედავენ ხარისხს ისე, როგორც ამას “ხარისხის გუნდი” აკეთებს. ისინი აშენებენ მას მათი პროცესის ყველა ეტაპზე. იმ მომენტიდან, როდესაც იდეა ხდება პროდუქტი, იქამდე სანამ ის მომხმარებელს მიეწოდება, ხარისხზე ყველა პასუხისმგებელია.

თუ თქვენ ხართ მცირე ბიზნესის მფლობელი, გუნდის ლიდერი, ან თუნდაც Start Up-ის დამფუძნებელი, ინვესტირება სათანადო QMS და QC სტანდარტებში შეიძლება გახდეს თქვენი ბიზნესის წარმატება, თავიდან შესაძლებელია მოგეჩვენოთ აბსურდულად, მაგრამ გრძელვადიან პერსპექტივაში, ხარისხის მართვის სისტემა ზოგავს ფულს, აუმჯობესებს თქვენს ბრენდს და მოყავს მეტი მომხმარებელი.

ხარისხი არ არის მხოლოდ პრობლემების თავიდან აცილება-ეს არის იმის აშენება, რითაც მომავალში იამაყებთ.