როგორ ავიცილოთ თავიდან ჯვარედინი დაბინძურება?

ნებისმიერი კვების ობიექტისთვის უმთავრესია სურსათის უვნებლობის უმაღლესი სტანდარტების დაცვა. დღეს Food Safety Alliance-ი ისაუბრებს თუ როგორ ავიცილოთ თავიდან ჯვარედინი დაბინძურება. ამ ბლოგში ჩვენ ჩავუღრმავდებით თუ როგორ უნდა დავნერგოთ ჯვარედინი დაბინძურების საწინააღმდეგო პრევენციული ზომები, რომლებიც უზრუნველყოფენ ყველა ბიზნესოპერატორის საქმიანობის წარმატებას სურსათის დამზადების, გადამუშავების, შენახვის და დისტრიბუციის დროს.

ჯვარედინი დაბინძურების პრევენცია

ბიზნესოპერატორის პირველი ნაბიჯი უნდა იყოს რისკების შეფასება HACCP-ის პრინციპების მიხედვით.
პრევენციულ ზომებში ჩაღრმავებამდე მნიშვნელოვანია საფრთხის ანალიზისა და კრიტიკული საკონტროლო წერტილების (HACCP) კვლევის ჩატარება, წარმოებისა და შეფუთვის პროცესებში ჯვარედინ დაბინძურებასთან დაკავშირებული რისკების შეფასება. ეფექტური ზომები უნდა იყოს მიღებული ყველა ეტაპზე დაბინძურების თავიდან ასაცილებლად. ეს მოიცავს ჰიგიენის მკაცრ პრაქტიკას, მასალების სწორად დამუშავებას და ჰიგიენურად სუფთა გარემოს უზრუნველყოფას.

მონიტორინგის დოკუმენტირება

აუცილებელია კონტროლისა და მონიტორინგის პროცესების საფუძვლიანი დოკუმენტაცია. ეს უზრუნველყოფს პრევენციული ზომების ყოვლისმომცველ ჩანაწერების წარმოებას, რაც აადვილებს მათი ეფექტურობის თვალყურის დევნას და გადამოწმებას.

შესაბამისი მასალების გამოყენება

მასალები, მათ შორის შესაფუთი მასალები, რომლებიც ინახება წარმოების ან შეფუთვის ადგილებში, ადეკვატურად უნდა იყოს დაფარული, რაც ამცირებს დაბინძურების რისკს. საწყობში  ხის პალეტების გამოყენებისას აუცილებელია პროდუქტსა და მასალებს შორის გამოყენებულ იქნას ისეთი მასალა რომელიც ჰიგიენურ გარემოს შეინარჩუნებს და შესაძლებელი იქნება მისი რეცხვა დეზინფექცია.

მიკრობიოლოგიური დაბინძურება

უნდა შეიქმნას  მიკრობიოლოგიური მონიტორინგისა და კონტროლის ყოვლისმომცველი პროგრამა, რომელიც ეხება კონკრეტულ პროცესებსა და რისკის შემცველ მიკროორგანიზმებს.

ჯვარედინი დაბინძურება – მარტივი წესები, რომლებიც უნდა იცოდეთ

მნიშვნელოვანია მაღალი რისკის შემცველი ზონების იდენტიფიცირება, რისკების შეფასება და მიკრობიოლოგიური ჯვარედინი დაბინძურების თავიდან აცილების ღონისძიებების განხორციელება. შესაბამისი მიკრობიოლოგიური ანალიზების მონაცემების წარმოება ემსახურება იმის უზრუნველყოფას, რომ კონტროლი ეფექტურია რისკის მართვაში.

შეჯამება

ჯვარედინი დაბინძურების პრევენციული ზომების გულმოდგინედ დაცვით, ბიზნესოპერატორს შეუძლია დაიცვას სურსათის უვნებლობის უმაღლესი სტანდარტები, უზრუნველყოს მომხმარებელთა უსაფრთხოება და შეინარჩუნოს საკუთარი ბრენდის რეპუტაცია.