სურსათის უვნებლობის საფუძველი

შესყიდვა

უსაფრთხო საკვები იწყება უსაფრთხო ნედლეულით. საკვები უნდა იყოს მიღებული სანდო მომწოდებლისგან „საკლავი ცხოველების ვეტერინარული შემოწმებისა და ხორცისა და ხორცის პროდუქტების ვეტერინარულ-სანიტარიული ექსპერტიზის წესების“  დადგენილების მიხედვით შეფუთვაზე ან ხორცზე უნდა იყოს  სახელმწიფო ინსპექციის შტამპი. კვერცხს უნდა იყოს შემოწმებული სალმონელასა და სხვა სპეციფიკური საკვებისმიერი ზოონოზური აგენტების კონტროლის წესის მიხედვით

მიღება

ყველა საკვები უნდა იყოს კარგ მდგომარეობაში მიღების დროს. საკვების ხარისხი და ტემპერატურა უნდა იყოს შესაბამისად შემოწმებული. მიღების დრო უნდა იყოს დაგეგმილი ისეთი პერიოდულობით რომ შესაძლებელი იყოს მიღებული ინგრედიენტების ინსპექტირება.

შენახვა

საწყობი უნდა იყოს წინასწარ დადგენილი, რომ საკვების მიღების შემდეგ მოხდეს საკვების დაუყონებლივ შენახვა. შენახვის ადგილები უნდა იყოს სუფთა და კარგად განათებული, მავნებლების და მწერებისგან თავისუფალი. სტელაჟები, ურიკები და მთლიანად საწყობი უნდა იყოს ჰიგიენურად შესაბამის მდგომარეობაში. საწყობში უნდა იყოს შესაბამისი ტემპერატურა და ნებიანობა და ხდებოდეს მისი რეგულარული მონიტორინგი.

მომზადება

დაიბანეთ ხელები ნედლეულთან შეხებამდე და მომზადების დაწყებამდე და ერთი პროცესიდან მეორე პროცესზე გადასვლის დროს. მოერიდეთ ჯვარედინ დაბინძურებას. ჯვარედინი დაბინძურება ხდება როდესაც მავნე ბაქტერიები გადაეცემა ერთი საკვებიდან სხვადასხვა საშუალებით მეორე საკვებს. ჯვარედინი დაბინძურების მიზეზი შეიძლება იყოს ზედაპირი, ჭურჭელი, აღჭურვილობა ან ადამიანი. მეტი ინფორმაციისათვის წაიკითხეთ ჩვენი ბლოგი ჯვარედინი დაბინძურება.

Food safety alliance– საკონსულტაციოს ბლოგების საშუალებით თქვენი ცნობიერება სურსათის უვნებლობის სფეროში საგრძნობლად გაიზრდება, HACCP-ის (საფრთხეების ანალიზი და კრიტიკული კონტროლის წერტილები) და სხვა სიახლეები შეგიძლიათ გამოიწეროთ და ყოველკვირეულად მიიღოთ ელ. ფოსტაზე ან დარეგისტრირდეთ ჩვენს ტრენინგზე სარეგისტრაციო ფორმის საშუალებით.