კვების ინდუსტრიის 2022 წლის ანგარიში
იანვარი 23, 2023
დისტრიბუცია კვების სექტორში
თებერვალი 6, 2023
სურსათის უვნებლობის სექტორში 2023 წელი მნიშვნელოვანი ცვლილებით დაიწყო. მიმდინარე წლის 1 ივნისიდან სურსათის მწარმოებელ ყველა ბიზნესოპერატორისთვის HACCP-ის სისტემის დანერგვა სავლდებულო ხდება, ყველა კვების ობიექტი ვალდებულია რომ საფრთხის ანალიზისა და კრიტიკული საკონტროლო წერტილების სისტემა (HACCP) დანერგოს.
სურსათის ეროვნული სააგენოს ცნობით ახალი რეგულაცია ვრცელდება ისეთ ბიზნესოპერატორებზე, რომელთა საქმიანობაც მოიცავს შემდეგ სფეროებს:
- სასურსათო მაღაზია, მარკეტი;
- თაფლის რეალიზაცია;
- ნახევარფაბრიკატების რეალიზაცია;
- ბავშვთა კვების წარმოება, რეალიზაცია;
- რძითა და რძის პროდუქტებით ვაჭრობა;
- ხილ-ბოსტნეულის რეალიზაცია;
- აგრარული ბაზარი;
- დახლზე ვაჭრობა;
- ხორცის რეალიზაცია;
- ბადაგისა და ჩურჩხელის წარმოება;
- კვების პროდუქტების შენახვა, შეფუთვა, დაფასოება;
- მცენარეული ცხიმის, მაიონეზის, ზეთის, მარგარინის წარმოება;
- საქართველოს ტერიტორიაზე სარეალიზაციოდ განკუთვნილი ნიგვზის, თხილის, მზესუმზირის და მისთანების გადამუშავება, რეალიზაცია;
- პურ-ფუნთუშეულის წარმოება, ფქვილოვანი პროდუქციის წარმოება, პურის საცხობი, თონე, არახანგრძლივი შენახვის საკონდიტრო ნაწარმის წარმოება, ბურბუშელას წარმოება, ფქვილის, ბურღულეულის წარმოება, მარცვლეულის, ფქვილის რეალიზაცია, ორცხობილებისა და მშრალი ნამცხვრების წარმოება; ხანგრძლივი შენახვის ცომეული საკონდიტრო ნაწარმის და ნამცხვრების წარმოება, პურის დისტრიბუცია, პურ-ფუნთუშეულით ვაჭრობა, საკონდიტრო წარმოება, შოკოლადის წარმოება, წისქვილი;
- საკონსერვო წარმოება;
- სუნელ-სანელებლების წარმოება, დაფასოება, შენახვა, რეალიზაცია;
- საკვებდანამატების წარმოება, შენახვა, რეალიზაცია;
- აჯიკის, მდოგვის, სვანური მარილის წარმოება, დაფნის ფოთლის წარმოება, რეალიზაცია;
- უალკოჰოლო სასმელების, ბოთლის სასმელი წყლის წარმოება, ყავის და ჩაის გადამუშავება, რეალიზაცია;
- დისტრიბუცია, ცენტრალიზებული წყალმომარაგება;
- შაქრის, მარილის წარმოება;
- გამომშრალი ხილის წარმოება, ჩიფსის წარმოება.
ანალიზისა და კრიტიკული საკონტროლო წერტილების სისტემა პირველად 1970 წელს აშშ-ში გამოიყენეს, რის შემდეგაც გავრცელდა და დამკვიდრდა მთელი მსოფლიოს განვითარებულ ქვეყნებში როგორც სურსათის წარმოები პროცესში მისი უვნებლობის უზრუნველყოფის ყველაზე ეფექტური ხერხი. HACCP-ი შესაძლოა გამოიყენებოდეს სასურსათო ჯაჭვის ყველა ეტაპზე, პირველადი წარმოებიდან საბოლოო, მზა პროდუქტამდე.
food safety alliance-ის დღევანდელ ბლოგში HACCP-ის სისტემის 7 ძირითად პრინციპს გიზიარებთ, რომელთა ცოდნა და პრაქტიკაში დანერგვა უახლოეს პერიოდში ყველა ბიზნეს ოპერატორისთვის სავალდებულო იქნება.
- საფრთხების ანალიზი
ნებისმიერი ბიოლოგიური, ფიზიკური თუ ქიმიური საფრთხის გამოვლენა, რაც შეიძლება მოიცავდეს: ნედლეულს, შესაფუთ მასალებს და სხვა ფაქტორებს.
- კრიტიკული საკონტროლო წერტილების დადგენა
საფრთხისათვის ხდება კრიტიკული საკონტროლო წერტილის (Critical Control Point) დადგენა, სადაც მოხდება საფრთხის აღმოფხვრა ან დასაშვებ დონემდე შემცირება.
- კრიტიკული ზღვრების დადგენა
ყველა კრიტიკულ საკონტროლო წერტილს უნდა ჰქონდეს თავისი კვლევის საფუძველზე დადგენილი ზღვრები, როგორიც არის ტემპერატურა, ტენიანობა, დრო, წონა, კონსერვატების კონცენტრაცია, ვიზუალური კონტროლი თუ სხვა.
- კრიტიკული საკონტროლო წერტილების მონიტორინგი
კრიტიკული საკონტროლო ზღვრებისა და წერტილების მონიტორინგი წარმოადგენს დაკვირვებისა და კონტროლის დაგეგმილ თანმიმდევრობას, რათა დადასტურდეს რომ კრიტიკული ზღვრები ნამდვილად დაცულია.
- მაკორექტირებელი ღონისძიებების დაწესება
მაკორექტირებელი მოქმედებები გულისხმობს პროცედურების განსაზღვრას, რომელიც უნდა განხორციელდეს იმ შემთხვევაში, თუ მოხდება კრიტიკული ზღვრების დარღვევა.
- გადამოწმების პრაქტიკის დანერგვა
გადამოწმება გულისხმობს ყველა მეთოდს, გარდა მონიტორინგისა, რომელიც გვარწმუნებს, რომ საკვების უნვებლობის მენეჯმენტი მუშაობს ეფექტურად.
7. ჩანაწერების წარმოება
HACCP გეგმის შესრულების დროს ჩატარებული პროცედურების ჩანაწერების წარმოება ობიექტს შესაძლებლობას აძლევს სრულყოფილად და ეფექტურად განაგრძოს მუშაობა.
Food safey alliance-ი სურსათის უვნებლობის სისტემის თავიდან ბოლომდე შემუშავებას და კვების ობიექტზე დანერგვას ყველა ბიზნესოპერატორს სთავაზობს.
HACCP სისტემა წარმოადგენს აპრობირებულ შესაძლებლობას, რომლის საშუალებით სურსათის მწარმოებლები და მიმწოდებლები იცავენ საკუთარ ბიზნესს, მათ მიერ წარმოებულ პროდუქტს და მათ მომხმარებლებს სურსათის მიღებით გამოწვეული დაავადებებისგან.
