რა არის სურსათის უვნებლობის რისკები?

სურსათის უვნებლობა არის ნებისმიერი წარმატებული კვების ბიზნესის ქვაკუთხედი, მიუხედავად იმისა, მართავთ მასშტაბურ ქარხანას, პატარა კაფეს თუ სასურსათო ქსელს. დღეს Food Safety Alliance-ი ისაუბრებს თუ რა არის სურსათის უვნებლობის რისკები და როგორ შეიძლება მოხდეს პროდუქტის დაბინძურება სხვადასხვა ეტაპზე-ნედლეულის მიღებიდან საბოლოო პროდუქტის მომსახურებამდე. ეს რისკები შეიძლება იყოს მიკრობიოლოგიური, ქიმიური, ფიზიკური ან ალერგენებთან დაკავშირებული. ამ რისკების გაგება და მართვა აუცილებელია არა მხოლოდ მომხმარებელთა უსაფრთხოებისთვის, არამედ საქმიანი რეპუტაციისა და სამართლებრივი შესაბამისობის შესანარჩუნებლად.

დღევანდელი ბლოგი გაგიზიარებთ ინფორმაციას საერთო რისკების კატეგორიების მიხედვით და აღწერს, თუ როგორ შეიძლება თითოეული მათგანის კონტროლი სათანადო ჰიგიენის, ინსპექტირებისა და წარმოების სანიმუშო პრაქტიკის მეშვეობით.

ინგრედიენტების მიღება

მიკრობიოლოგიური ანალიზის პასუხები

ინგრედიენტები არის ნებისმიერი საკვები პროდუქტის საფუძველი, რადგან სწორად ინგრედიენტების საშუალებით ხდება ნებისმიერი პროდუქტის წარმოება.

კრიტიკული რისკები:

• გაფუჭებული ინგრედიენტები მიღებისას: გაფუჭებული ინგრედიენტების გამოყენება იწვევს მავნე ბაქტერიების გამრავლებას, როგორიცაა Salmonella, Listeria ან e. coli.
• არასწორად შენახული ნედლეული: არასათანადო ტემპერატურამ ან პირობებმა შეიძლება დააჩქაროს ინგრედიენტის გაფუჭება ან დაბინძურება.

მაღალი რისკები:

• პესტიციდების ნარჩენები: ხილისა და ბოსტნეულის ნარჩენი ქიმიკატები შეიძლება საზიანო იყოს ჯანმრთელობისთვის.
• მწერების კვერცხები მშრალ ინგრედიენტში: ხშირად ძნელი შესამჩნევია, მაგრამ ამ რისკმა შეიძლება თავი იჩინოს და გამოიწვიოს ინვაზია.
• ქვები და დაზიანებული შეფუთვა: ეს წარმოადგენს ფიზიკურ საფრთხეს და მიუთითებს მომწოდებლის ცუდ მართვაზე.

კონტროლის ზომები:

თანამშრომელი აკონტროლებს ინგრედიენტების წონებს

• შეამოწმეთ ყველა მიღება შემომავალი კონტროლის დროს- ტემპერატურის შემოწმება და ვიზუალური შემოწმება მთავარია.
• ითანამშრომლეთ სანდო მომწოდებლებთან, რომლებიც უზრუნველყოფენ პესტიციდების გამოყენებისა და ჰიგიენის სერთიფიკატებს.
• შეინახეთ ინგრედიენტები სუფთა, ეტიკეტირებულ, ტემპერატურის კონტროლირებად გარემოში.
• მოახდინეთ საწყობში როტაცია FIFO (პირველი მოვიდა, პირველი გაიხარჯა), რათა შეამციროს ინგრედიენტის გაფუჭების რისკს.

ადამიანური ფაქტორი

თანამშრომელი ამოწმებს ყველის ვადებს

ადამიანები სურსათის უვნებლობის ერთ — ერთი ყველაზე კრიტიკული და სარისკო ასპექტია. არასათანადო ჰიგიენამ და დაავადებამ შეიძლება ადვილად გადაიტანოს პათოგენები საკვებზე.

კრიტიკული რისკები:

• ჭუჭყიანი ხელები, ავადმყოფობა, ბინძური ტანსაცმელი, თმა: ეს არის მიკრობიოლოგიური დაბინძურების ძირითადი წყაროები.

მნიშვნელოვანი რისკები:

• ფრჩხილის ლაქი, საგნები ჯიბეებში, სამკაულები: ისინი შეიძლება მოხვდნენ საკვებში, რაც იწვევს ფიზიკურ დაბინძურებას.
• მოუწესრიგებელი გასახდელები: პირადი ჰიგიენისთვის განკუთვნილი ადგილები, რომლებიც არის შეუსაბამო მდგომარეობაში, ხელს უწყობს არაპირდაპირ დაბინძურებას.

კონტროლის ზომები:

ხელების დაბანა

• გააკონტროლეთ პირადი ჰიგიენა და ჩაატარეთ ჯანმრთელობის მონიტორინგი
• უზრუნველყავით სამუშაო ფორმები და აკრალეთ პირადი ნივთების გამოყენება სამუშაო ზონაში, მათ შორის ტელეფონები.
• შეინარჩუნეთ სუფთა მდგომარეობაში პერსონალისთვის განკუთვნილი ადგილები

შეჯამება

ტექსტი ქაღალდზე

ყველა საკვები ბიზნესი, დიდი თუ პატარა, პროაქტიულად უნდა მართოს სურსათის უვნებლობის რისკების სპექტრი — უხილავი მიკრობებიდან აშკარა ფიზიკურ საფრთხეებამდე. იმის გაგება, თუ სად არის ეს რისკები და როგორ უნდა აკონტროლოთ ისინი სათანადო ჰიგიენის, აღჭურვილობის მოვლისა და პერსონალის ტრენინგის საშუალებით, აუცილებელია.

როდესაც რისკები არ არის კონტროლის ქვეშ, შედეგები მერყეობს მომხმარებელთა საჩივრებიდან ჯანმრთელობის სერიოზული საფრთხეებამდე, ფინანსური დანაკარგებისა და სამართლებრივი შედეგების ჩათვლით. მაგრამ სტრუქტურირებული რისკის მართვის მიდგომით, და HACCP-ის დანერგვით, რომელიც აგებულია ინსპექტირებაზე, ტრენინგსა და ჰიგიენაზე, ეს საფრთხეები შეიძლება შემცირდეს — და უზრუნველყოფილი იყოს სურსათის უვნებლობა.